|
|
09-22-2009, 03:44 PM
|
#1 |
|
ҳҲҳ مراقبة عامه ҳҲҳ
 تاريخ التسجيل: Feb 2009
الدولة: •¦ نَجَّـدْ العَـذِيِّـِه¦•
المشاركات: 1,056
معدل تقييم المستوى: 10  |
مستشفيآتنآ سبب معآنآتنآ
السلام عليكم ورحمة الله صبآحكم صآفي بصفآء قلوبكم ونقآء أروآحكم تقبل الله طآعتكم وضآعف لكم الاجر وكل عـآم وأنتم ومن يعز عليكــم بأتم صحتكــم ,, بعد أجآزة أستثنآئيه مفآجئه لي قبل ان تفآجئ غيري وددت ان تكون عودتي بـ مصآفحه ثآنيه لي في هذآ القسم ,, كلنآ نعلم ان أهم مآيميز الدوله ويجعلهآ في طليعه الدول المتطوره ؛ بل ويعد وآجهه للدوله وعنوآن لاهتمآم أهلهآ بهآ هي المستشفيآت و(المدآرس)< التعليم بشكل عآم هذين الركنين كلمآ كآنآ في قمة توهجهمآ وكلمآ كآنآ على اكمل وجه فآعلم يقينا بأن الدوله مآشيه أوكي ورآحة شعبهآ أهم مآلديهآ وأذآ كآنآ في انحطآط وبهذله ومرتعا للحثآله فأعلم يقينا انهآ من طقة مآعندك احد ,, المدآرس (التعليم)<- هو من كنت اقصد به مرتعا للحثآله لذآلك بنخليه ع جنب شوي لان الحديث يطول في هذآ الجآنب بعد ان هيمن عليه أهل العلمنه واليبرآليه عليهم من غضب الله ولعنته مآيستحقون  .. المستشفيآت للاسف الشديد والقهر المستديم أنهآ اصبحت هي من تنشر الامرآض..! وتودي بحيآة البشر للتهلكه واصبحت التجآرب تطبق على الانسآن بدلاً من الحيوآن وانتم بكرآمه <- ربمآ يكون للحيآة الفطريه دور في حمآية الحيوآن من تلك التجآرب فقد اصبح لهآ منظمآت فعليه لحمآية حقوق الحيوآن ..!! : في تمآم السآعه 2,30 ظهراً من يوم الاحد 16/9/1430 أنتقلت جدتي لأمي إلى رحمة الله بعد ان تعبثوا بهآ أطبآء مستشفى الخيبه والعفن. كلنآ سملنآ أمرنآ لله وآمنآ بقضآئه وقدره ولكـن مآ يجعلنآ قمة قهرنآ وحسرتنآ انهآ توفية .. ع قولهم بفعل فآعل وأخطآء طبيه فآدحه <عفواً اقصد تجآرب طبيه فآشله كآنت بعآفيتهآ ولو انهآ لم تسلم من الامرآض المزمنه الا انهآ لم تشكوا من مرض عضآل وقبل رمضآن بأسبوع لاحظنآ أصفرآر وجههآ بشكل ملفت ومع ذالك لم تشكوا من اي عله..! وبعد محآولات عديييده اقتنعه بأجرآ التحاليل في احد المستوصفآت واكتشفوا ان أنزيمآت الكبد مرتفه بنسبه مخيييفه من 45 الى 400 طبعاً الدكتوا استحى على وجهه وقال مآرآح اسوي لهآ شيء ودوهآ في اقرب وقت لاحد المستشفات الحكوميه وللاسف انها تآبعه لمستشفى العسكري<< يآحسآفةأسم صآحبه عليه بس .. ليتك يآبو خآلد تجي وتشوف .. مآ أخفي عليكم اننا ابتشلنآ مآندري وشلون نقنعهآ علشآن نوديها للمستشفى يآحبني لهآ كل مآقلت لها شيء انا وامي قالت / يآوليدي مآفيني شيء عآنوني قدآمكم مآفيني الا العآفيه والمستشفيآت مآمنها الا المرض ذيك الليله مآارتحت لا انا ولا امي وجههآ مصفر بشكل عجييييب وأرتفآع الانزيمآت غير مطمئن .. فالاخير قلت لامي دقي ع خالي وفعلا جآء في وقت قيآسي جدا .. وبعد محآولات مني ومن امي وخالي اقتنعت وقالت خلاص نروح نروح < هي على بالها الدعوه تحاليل وترجع للبيت مآدرت ن بتصير علووم دخلت المستشفى قسم (الطوآرئ) 9,30 من صبآح يوم الخميس 22/8 طبعا صآيمه علشآن التحاليل وانلطعت في اسيآب المستشفآء الى بعد العصر فالاخير تكرموا عليهآ < طبعا بعد بعد مكالمة فلان وعلان وسوو لهآ التحآليل وحولوها للتنويم على ان بكرى الجمعه بيسوون لها اشعه مقطعيه وما ادرآكم مالاشعه المقطعيه!! الى اللحين مآعليهم مآبعد غلطوا والوضع ينبلع شوي بعد مآتشرب 6 لتر مويه : الشيء المنآقض والعجيب أن ثلاث اربآع الدكآتره في قسم الطوآرء من الجنسيه السودآنيه ...!! معليش طوآرئ + سودآني مآتجتمع مع احترآمي لهم : جآء يوم الجمعه موعد الاشعه المقطعيه طبعا كآنوا مصومينهآ برضوا .. وقبل مآتنزل للاشعه عطوهآ محلول مع الوريد علشآن يسآعد الكلى .. فالمقطعيه و (الصبغه تأثر عليها تأثير كبيييير) وكلنا نعرف خطورتهآ فمآبالكم بكبيرة السن !! المهم حقنوها ونزلوها للاشعه وبعد انتظآر مميت قالوا الكمبيوتر تعطل رجعوها وفطروها وبكرى بنرجع نسوي لها الاشعه!! لمآ جآء يوم السبت جآها الدكتور وامي كانت مرآفقه معهآ وقال لهآ بعد شوي بيعطوهآ حقنه من المحلول مع الوريد وانتِ< يقصد امي بعد مآيعطونها الحقنه شربيهآ علب المويه هذي 3 علب مويه جت النيرس وحقنتها يآجعلها تحقن بديزل وامي سوت اللي قاله الدكتور وقامت تشربها من هالمويه يآحبني لها كآنت تقولها جدتي خلاص فكيني منتس فقعتي بطني بالمآء وامي تقولها معليش يمه حنآ مآحدنا عليهم الا ذالاشعه خلينا نسويها ونفتك منهم جدتي من سمعت هالكلام مآقصرت غصبت نفسها وشربتها في وقت قيآسي ونزلوا للاشعه ولمآ فتح الدكتوا ملفهآ وقرآه تغير وجهه وعصب وسئل عن النيرس والدكتور اللي تفنون فيهآ ؟!! دق ع الدكتور وسحب عليه مآرد .. جآب الممرضه ولعن خآمسها سئلته امي خير وش صآآير قال مآفيه اشعه اليوم << خير لعبه عندكم !! قال المحلول المفروض يعطونها اياه مع الوريد والمويه نشربها اياه هنآ او يشربها المرآفق وهم عطوهآ المحلول مخلوط بالمويه مع الوريد وهذآ غلط كبيير يحآسب عليه الدكتور..! جآء يوم الاحد < الرآبع لدخولها الطوآرئ والثالث لحقنهآ بذالك المحلول اللعين شوفوا اربع ايام وهي في قسم الاسعآف (الطوآرئ) ولطعه وطلعه ونزله وحقن وهم الى اللحين ترآ مآيدرون وش فيهآ ..! اللي يعرفونه ان الانزيمآت مرتفعه وقاعدين ...يخبصون يبون يعرفون وش سبب ارتفاعها..!! بعد مآسوو الاشعه يوم الاحد اكتشفوا ان مجرآء المرآره مسكر وهنآك ورم ع البنكريآس ..! قالوا بنسوي لهآ منظآر نفتح هذآ المجرآء اما الورم مآنقدر نسوي فيه شيء أطلاقاً مكآنه خطير حتى مآنقدر نآخذ منه زرآعه علشآن نحدد نوعه لانهآ كبيره فالسن ومآتتحمل << توهم يذكرون انها كبيره ..!!! لكن بمآ ان الورم خآمل وبآين عليه انه حميد ان شآء الله مآرآح يأثر عليهآ هالكلام هذا قالوه لامي وخالاتي والا فالحقيقه الورم كآن خبيث < وهالشيء مآكآن يدري عنه الا خوآلي... وانا واختي عرفنآ من حيث لايعلمون سوو لهآ المنظآر بعد اسبوعين من دخولها للمستشفى وعلى قولهم فتحوا هالمجرآء ومن بعد النظآر رجعت الانزيمآت لوضعها الطبيعي ووجهها رآح الصفآر اللي فيه ولكــــــــن...! الان بدأت تتألم وتون < البركه فالحقن ضخمة الورم + المنظآر اثآره الاكيد انهم طلعوها بعد الاسبوع الاول من رمضآن ورجعت جدتي لنآ متغيره 360 درجه للاسوء..! اقسم بالله يوم رآحت من عندنا تسولف وتضحك حتى فالليل اللي قبل تروح لمستشفى كآنت تمسح ع خشمي وتسلم ع يدها وتقول يآ اميمتي والله مآفيني شيء مآفيني الا العافيه.. لكن أول مآرجعت لنا من عندهم كآآنت غييييييييير اقسم اننا نقلبهآ ونجلسها ولاهي معنآ صوتهآ مآينسمع..! نظرة عينهآ نظرة وحده قآآضيه مودعه..!! مآتبي احد يزورهآ تتضآيق من النآس من بعد مآكآنت تسئل عن فلان وعلان وكل شوي احلل سكرهآ ويطلع تمآم وكل مآسئلنآهآ جده فيه شيء يوجعك ترد بصوت متقطع لا يآأمي بس منهد حيلي بس اقلبيني ع جنبي الثآني <فيهآ جلطه من كم سنه قبل لما كنت اقلبهآ مع امي والا مع الشغاله كآنت تستهبل وتدغدغني بحكم اني اكره هالحركه واحيآن اذا احد سوآها على قولتهم انسى خوف الله فيه وانسى منو اللي قدآمي وهي تعرف هذي نقطة الضعف عندي وتحب تعآندني لكن بهذآك اليووم لااااا والله ولا درت عنآ قلبنآها ولاحركت سآآكن انا هنآ خنقتني العبره ومآقدرت ..مسكتها امي ومرت خالي وطلعت مع مغرب اليوم الثآني وبعد مآ افطرنا وفطرنآهآ ...وانتم بكرآمه رجعت اللي اكلته كله ويآزينه من ترجيع بعد مآرجعت بسآعتين استعآدة نشآطها ورجعت احسن من قبل للاسف ان الكلاب طلعوها وهي بآقي مآصحت من البنج ..!! ولما جآء خالي وسئلني عنهآ قلت مآعليها احسن من البآرح الحمدالله تسولف وتضحك وتستهبل وتعطينا من هالشعر عكس امس تمآما قال اسكتي يآريم والله اني امس امشي ولا ادري ويني رآيح وكل شوي اقول بس اللحين بيدقون ويقولون رآآآآحت ؛ وكل مآدق جوالي توقعته انتم.. انا من جد خنقتني العبره ولاقدرت اهرج لاني لو تكلمت ببكي وبكذا هو بيحرم يتكلم معي كذآ : من ثآني يوم طلعت فيه الى نهاية الاسبوع الثآني من رمضآن كآنت حالتهآ على قولتهم تفك أزمه أقلهآ نفسيتهآ بدت تتحسن وتروق .. وقالت ريم خليك عندي لاتخليني يآوليدي وقامت توصيي ع امي وابوي وضعهآ كآن احسن حتى ان خالي بغآ يستغل هالفرصه علشآن يروح يجيب اهله مسافرين يبي علشآن يآخذ جدتي عنده بس هيهآت حلفت عليه تجيبهم والا مآتجيبهم جدتي مووش حتطلع من عندنآ من غير شر فجأه بعد كم يوم انتكست حالتهآ وجلست يومين مآتآكل ولا تشرب وان اكلت بعد حب الخشوم مآيمديه الاكل يروح مع حلقها الا ترجعه وفجأه انخفض السكر الى 56 الشيئين الوحيدين اللي اذا شربته مارجعته هو الحليب والماء اما غيرهم مايمديه ينزل مع حلقها الا تجيبه من اقصآه أمي خلاص مآقدرت تقآوم دخلت انا والشغاله نغير لجدتي ونلبسها علشان تروح للمستشفى لقينآهآ للاسف كملت الـ 10سآعآت مآتبولت على ان طول الوقت هذا مآتآخذ الا سوآئل...!! لما قلت لامي نآظرتي بيأس وهزت رآسها وقالت بس عندها فشل الكلى تعطلت< لان الدكتور قبل بسم الله عليه مسوي فيها خير وقايل لها بعد الاشعه المقطعيه احتمال يصير عندها فشل ودوها للمستشفى وفعلا طلع عندها فشل والورم تضخم اكثر واكثر بفعل الصبغه وجلست عندهم 5 ايام وجسمهآ بدأ يتنفخ بسبب الحقن اللي أخذتها وتعطل الكلى وكل يوم يقولون بكرآ بنسوي لها غسيل يوم الاحد 16/9 قالوا اليله بنسوي لها الغسيل .. رآحت لـربها بعد الظهر وخلت لهم غسيلهم * * أكثر شيء قهرني في اهلي بعد مآقهرني المستشفى الخآيس أنهم مآ أخذوني لهآ يوم رآحوا يغسلونها الكل رآح لهآ كنت متلهفه على شوفتها.  * بعد مآرجعوا من عندهآ على قد الحزن اللي مآكلينه الا انهم مرتآحين بعد شوفتهآ كل من شآفهآ انبهر من شوفتهآ كآن وجهها أبيض وسبآبتهآ مرفوعه ... لو لم يسمع خالي استشهآدهآ إلا انهآ رفعة السبآبه وهو يلقنهآ الشهآده وهذآ أكثر شيء جبر كسرنآ وصبر امي وخوآلي *كآنت لهآ شعبيه كبييييره عند القآصي والدآني .. في لمحة بصر انتشر خبر وفآتها وكآن الفضل في جوآل القبيله مآقصر واكتض المسجد بالمصلين وهنآك من أتى من خآرج الريآض وفي وقت قيآسي للصلاة عليهآ توفية قبل صلاة العصر بثوآني وصلوا عليها العشآء ,, كل مآذكرت كلمتهآ لي ريم لاتخليني .. انهآر وأتحسر على فقدهآ تقولي امي هذي مآيبكى عليهآ وانا امك والله اني يوم شفتها قلت الحمدالله ان ربي رحمهآ وفكهآ من الغسيل والله ان وجهها ابيض وطول مآحنآ نغسلها كآنت مبتسمه والله يآبنآتي اني اغسلها وكل شوي التفت ع المغلسه بقولها امي حيه مآبعد مآآتت شوفيهآ تضحك ** أميِّ نــوره رحمك مولآك وفي جنة الخلــد نلقـــآكِ ** مستشفيآتنآ الحكــوميه ومن يرأسهــآ عليكم من لعنــة الله وغضبــه مآتستحقــون ** عبدالله الربيعــه كنت خير مثــآل لتبطيــن الحق وتزييف الحقآئق .. آخرهآ مرض العصر أنفلنزآ الخنآزير أنت اول شخص هون من أهمية هذا المرض وانكر انتشآره ترآ ظهوره في فترة ترأسك لوزآرة الصحه مآيعني انك انت المسبب له أيهآ المعتــوه..! كنآ نسمع بالتعصب فـ الميول الريآضيه وانت من زرع التعصب في المرآكز الصحيه فأهتمآمك بـ مستشفى الحرس منقطع النظير بعكس المستشفيآت الاخرى على العلم انك وزيرا للصحه..!! ,, عُـــــذراً أحبتــي على الأطـآله فهذآ ليس الا مآيعآدل الذره من فضآئح مستشفيآتنآ..
عُـــذراً ع ذكر بعض الكلمآت لكن تأكدو انها لم تقآل الا لمستحقيهآ
__________________
.... .... .... ؛ ..●.. الحَمْدٌّ لله ڪَمَآ يّنّبَغِيِ لِوَجْهِهِ الڪَــرِيِمْ وعَظِيِـمّْ سُلّطـآنِه●● ...
التعديل الأخير تم بواسطة ريـــم نجـــد ; 09-22-2009 الساعة 03:46 PM |
|
|
|
09-22-2009, 04:20 PM
|
#2 |
|
ღღ ملك مشارك ღღ
 تاريخ التسجيل: Sep 2009
المشاركات: 138
معدل تقييم المستوى: 1 |
رد: مستشفيآتنآ سبب معآنآتنآ
مشكوووووورة والله يعطيك الف عافيه
__________________
|
|
|
|
|
09-22-2009, 04:55 PM
|
#3 |
|
ҳҲҳ Rakan ҳҲҳ
 تاريخ التسجيل: Jun 2008
الدولة: الريآض !
المشاركات: 1,641
معدل تقييم المستوى: 4 |
رد: مستشفيآتنآ سبب معآنآتنآ
: وعليكم السلام ورحمة الله وبركاته . اهلا ً بعودتك أختي ريم من جديد .. وعظم الله أجرك ورحم الله جدتك وأسكنها فسيح جناته . : ببدأ مع قبل ما إنتهيت فيه وهي النقاط اللي ذكرتيها بالمرحومه وآخر أيامها التي تـــُبشر بخير .. وهذا الشي يجعلنا نفرح جميعا ً وان شاء الله انها تــُـعتبر من اصحاب النعيم وماهي هالاشياء إلا دليل على حــُـسن خاتمتها ان شاء الله ... بالاضافه الى انها إنتقلت لرحمة الله بشهر كريم وبأيام فيها رحمه ومغفره وعتق من النيران .. ومالكم ولنا إلا ان ندعي لها بالرحمه والمغفره هي وجميع موتنا وموتى المسلمين . : أما بالنسبه لفضايح وزارة الصحه فـ هي كثيره ولا تعد ولا تحصى وياما وياما ( الجزارين ) اللي يسمون أنفسهم ( دكاتره ) تسببوا في وفاة العديد من الناس الابرياء .. اللي دخلوا المستشفيات يشكون من آلآم بسيطه ويطلعون منها على سيارة نقل الموتى !! والادهى والأمــّـر ان ( الجزارين ) مسلمين ومن جنسيات مختلفه ويسوون كذا .. مادري وش خلوا للكفار ؟ بل بالعكس والله ان ( الدكاتره ) الغير مسلمين انهم يعملون بإخلاص و قـد ذكرت النقطه ذي بأحد المواضيع اقتباس: المشاركة الأصلية كتبت بواسطة حلو التقاسيم [عزيزي الزائر يتوجب عليك التسجيل للمشاهدة الرابطللتسجيل اضغط هنا] # سؤال يقرقع في صدري .. ليه الممرضين والممرضات الاجانب { الكفار } يشتغلون بذمه وضمير .. وربعنا { المسلمين } ماهمهم الا البربره وطق الحنك وكل واحد يتميلح عند الثاني ! : بصراحه اللي جرى لكم يدمي القلب ولا عندي تعليق معين لان الكلمات تعجز عن وصف ماحدث لكم من إهمال .. صحيح إن هذا يومها ومقدر ومكتوب ولكن إهمال ( نفس بشريه ) لا يجب السكوت عليه .. وانتم مخطيئن ان بقيتوا ساكتين على هالشي اللي صار ... روحوا لأبعد شي وأكثر شي تقدرون تآصلونه ووصلوا صوتكم للي تقدرون عليه . : وصدقيني اذا ظلموكم وضاع حقكم بالدنيا .. بالآخره ماراح يضيع وراح يحاسبون كل الناس على كل صغيره وكبيره عملوها . : نصيحتي لك وإقتراحي ويمكن بعض الاعضاء يوافقني الرأي .. هو ( التشهير فيهم ) مب غلط انكم تفضحون اللي تسبب بهالشي سواء إسم المستشفى او إسم المسؤولين عن حالة جدتك رحمها الله .. وبعد مب عيب انكم توصلون هالشي للإعلام .. او حتى نشر الموضوع بالمنتديات او عن طريق الرسائل البريديه ... صدقيني يا ريم راح تكسبون حاجات كثيره .. بالاول تفضحينهم .. ويستحقون الفضيحه .. الشي الثاني يدعون لك ناس إنظلموا ولا قدروا يوصلون أصواتهم .. والشي الاخير دعوات الناس لجدتك رحمها الله . : اذا كانت الاوراق الخاصه بجدتك عندكم ومتوفره بإمكاني أرسلك جوال الصحفي ( مناحي الشيباني ) بجريدة الرياض لانه يهتم بالامور اللي مثل كذا ورجال يخاف الله وماشي سيييدا ويساعد الناس وله كثير من التحقيقات الصحفيه في الجرايم والسرقات وفضايح المستشفيات .. وانا واثق انه ماراح يقصر . : في الاخير .. رحم الله جدتك وجعل مثواها جنات الفردوس .. وإن عانت في أيامها الاخيره ماهو إلا تكفيرا ً للذنوب ان شاء الله . عظم الله أجر ( مستشفياتنا )
__________________
 احس اللي خلق حسنك .gif "Noor (106)") خلق باقي البشر ديكور
.gif "Noor (40)") |
|
|
|
|
09-22-2009, 10:05 PM
|
#4 |
|
ღ مشرف فضفضه ღ
تاريخ التسجيل: Jul 2008
الدولة: القصيم
المشاركات: 955
معدل تقييم المستوى: 3 |
رد: مستشفيآتنآ سبب معآنآتنآ
ريم نجد
أهلا بعودتك من جديد عظم الله أجرك في جدتك خاتمه في شهر فضيل اللهم لك الحمد تبشر بخير أما بالنسبه للمسالخ(( المستشفيات )) فأكف عن الحديث فيهم لأن الحديث طويل ومعقد بقدر ماتتصورين أنا لا أعم كل المسالخ ولكـن بنسبة 0.5% منها هو الصاحي أما الباقي ف على الدنيا السلام مرهـ أخرى عظم الله أجرك وجعل مثوى جدتك الجنه تحياتي
__________________
5 / 6 / 1431 4:16صباحا أعلق عضويتي حتى اشعار أخر . . . كل العذر منكم أحبتي
|
|
|
|
|
09-22-2009, 11:51 PM
|
#5 |
|
ღ مشرفة قسم رؤيتي ღ
تاريخ التسجيل: Oct 2007
الدولة: ₪الريــآز ₪
العمر: 1
المشاركات: 5,938
معدل تقييم المستوى: 8 |
رد: مستشفيآتنآ سبب معآنآتنآ
ريم / غفر الله لآمكم نـورة وأمنـآ نورة [ أول عيد لنآ بدونهـآ : ( ]..
عـآنت جدتكم وحَسنت خآتمتهـآ , وعزآئي لكم .. لكن لمن لآزآل يرجـوا رحمتهم فعزآئي لهم مستمر ..! مللنـآ الآخطـآء الطبيه .! كلن يلقي اللوم ع الآخر وببسآطه خطأ طبي أو مكتوب يصير ذا الشيء .! صحيح مـآفيه أحد معصوم ع الخطأ بس برضـوه أروآح النـآس مب لعبة .! صـآرت النـآس حقول وفيرآن تجـآرب ,! -- أنا شخصـاً عانيت منهم لفقـوا بي مرض مـآله أي صلة بـ أوجآعي .!!! -- أيضـاً قضيـة الموآعيد إلـى متى .! والوآسطات إلـى متى .! النقل من مستشفى لأخر إلى متـى .! نآس ماتت ولين اللحين مـآجت موعدهـآ ولآ لقت وآسطه .! كـآن الله بعــون الشعب . تـُبرع بـ/ مئآت الاسِره , وحآلآت خطره , لكـن [ كأن من حسابهم شيء ] ويردون بكل برود [ مافيه سرير ]..! موضوع يطووول النقاش فيه خصوصاً مع معنآتنا هالفترة معهم , الله لآ يحدنـآ لهم : ( ريم عظم الله أجركم , وجمعكم بهـآ بجنـآته
__________________
: كيف لي أن أحولك يومآ ! من مُضآرع إلى مآض ! وأنا التي نويت بك بنآء المستقبل ؟! [عزيزي الزائر يتوجب عليك التسجيل للمشاهدة الرابطللتسجيل اضغط هنا] ^ نَوروني =) إلهي هبْ لي صبراً جميلاً لِـ [ آبقى ] |
|
|
|
|
09-23-2009, 08:50 PM
|
#6 |
|
ҳҲҳ الإدارة ҳҲҳ
تاريخ التسجيل: Oct 2007
الدولة: أبــــ مـتــ دارــعـب ــو
المشاركات: 5,323
معدل تقييم المستوى: 10 |
رد: مستشفيآتنآ سبب معآنآتنآ
حـسـبــي الله ونــعـم الـوكــيــل فـعـلآ أغــلــب المــسـتـشــفــيــآت الحـكـومـيـه
فــيـهـآ إهـمـآل مــو طــبــيعــي .. وخــصــوصــآ أقــســآم الــطــوآري .. وهــي مــن أهــم الأقـسـآم .. أبــوي ( الله يــخــلــيه لـنـآ )بـ يــوم 27 بـ رمــضــآن جـآتـه حــآلــه غــريــبه شـعــر بـ تـنــمــيـل بــ القــسـم الأيــمــن جــسـمـه لـ درجـه مـآ قــدر يــوقــف حـتــى الصـلآهـ مــآ قـدر يــصـلــيهــآ .. رآح لـ قــسـم الطــوآري لـقــى دكـتـور مــصــري .. شــرح لــه أبـوي الحــآلـه اللـي فــيه قــآلـه هــذى شــي طــبيـعـي يــحــصـل لـ كــل إنـســآن <<يــقــول أبــوي يـقــولـهــآ الــدكـتـور وهــو يــقـطـر بـعـيـونـه قــطــرهـ مـن شـدة الإهـتـمــآم .gif "Noor (19)") وكـتـب لــه بـنـدول < تــعــب حــآلـه كــأنــه يـصــرف الــدوء مــن جــيـبـه .. رآح بـعـد المــغـرب لـ مــسـتـشـفـى خــآص لــقــوآ عـنـدهـ إرتــفـآع شــديــد بـ الســكــر ومــسـتـوى الكـلــسـتـرول مــرتـفــع بـدرجـه كــبـيـرهـ وأخــيــنـآ يــقــول شــيء عــآدي < الله المــسـتـعــآن عـليـهـم وحـدهـ أعــرفـهــآ كــآنـت تــطــبـق بـ مــسـتـشــفـى حـكــومــي < تـوهـ مــآلـه الأ كــم سـنــه تــقـول دخــلـت الأسـآنــسـيـر أنــآ ومــمـرضــه ثـآنــيـه وكــآن فـيه دكـتـوريــن يــتـكـلـمـون عـن مـشـكــلـه بـ المـسـتـشــفــى يــقــول وآحـد فـيـهـم : ( المـسـتـشــفــي مآآشــي ع البــركــه وخــربــآن خــربــآن ) رد الــدكـتـور الثــآنــي قــآلـه (وأحـنـآ مــلـنــآ دهـ مــش بــلــدنــآ ) هــذولآ وشــلـون نـسـلـمـهــم أروآحـنـآ وأحــبـآبـنــآ .. مــآنـقــول غــيـر حـســبـنــآ الله ونـعـم الـوكــيــل عـلـيـهـم .. لـكـن مــثـل مـآ قــآل أخــوي رآكــآن شـهــري فـيـهـم وأرســيـلـي الــرســآئـل البــريــدهـ ع الله يـكــون هـنــآك نـتـيـجــه وتـقـدري تـوصــل صــوتـك لـ الكــل ... عـظــم الله أجــرك إخـتـي ريــم .. وأحــسـنـآ الله عــزآئــكــم .. وتــغـمـد جــدتــك وهـي جــدتـنــآ كـمــآن بــوآســع رحـمـتـه .. وأسـكـنـهــآ فــسـيـح جـنــآتـه .. ..
__________________
..  .. [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] ..
|
|
|
|
|
09-25-2009, 04:11 AM
|
#7 |
|
ҳҲҳ مراقبة عامه ҳҲҳ
تاريخ التسجيل: Feb 2009
الدولة: •¦ نَجَّـدْ العَـذِيِّـِه¦•
المشاركات: 1,056
معدل تقييم المستوى: 10 |
رد: مستشفيآتنآ سبب معآنآتنآ
هـلآبكم جميعــاً وجزآكم الله خير ... الله لايوريكم مكروه مآقـدر أعقب على أي رد فالصمت أبلــغ <- ولو انني لم أحبذ الصمت في موآقف كهذه ولكـــــــــن...! ،، - لدي إضـآفه لتكمل تلك الفضــآئح .. كنت اظن انني ذكرتهآ لكن بعد ان قرأت الموضوع عرفت انهآ سقطت سهواً.. ... قسم التنويم فــ الأسعــآف أشبه مآيكون بـ ملجآء عفن في افقر الدول...!! يلعبون على أنفسهم ويقولون أنهآ غرف..!! وهي مآهي الا صـآله تقريباً 12 * 15 ومقسمه بالستـآئر الى غرف .. الغرفه لاتسع الا لسرير وكرسي وآحد فقط..! وجميع هذه الغرف تشترك وأنتم بكــرآمه في دورتين ميآه متشآبكتين والوآحده منهآ لاتتجآوز المتر لا وبعد بدون قفل...!! وغير هذآ وذآك الدعوه خليطي يعني هنآسرير مره وهنا رجآل وهنآ طفل وهنآ شآيب والمرآفقين اذآ بغوا ينآمون مآلهم الا الارض هذآ يشوف ذآك وذآك يشوف هذي تخبرون الستآير بينهآ وبين الارض ربع متر ان لم يكن نص ومن الموآقف الطريفه في هذآ <- شر البلية مآيضحك جدتي الله يرحمهآ كآنت ترآفق معهآ اميِّ والشغآله ؛ ومره لمآ نزلوا للاشعه انسرق كرسيهن الوحيد اللي يتنآوبن عليه دورنه مآحصلنه طلبن من الممرضه وجآبت لهن كرسي حلية وجههآ مثل قلّتــه ويوم جن ينآمن تقول امي روعتني الشغآله بشهقتهآ ..! مدآم شوفي كرسينآ عند جيرآننآ الحرآميه وسووت زحمه <- فآآصله وكآن هذآ احسن مآفي ستآيرهم طلعت حتى فضآيح المرضى ... الوضع جداً مزري وهم كل شوي يقولون مآعندنآ غرف جآء زوج اختي يحآول منآ منآ ابدن مآعندنا غرف فآضيه كلهآ فُلّ طلّع لهم بطآقة العمل قآلوا له ابشر ابشر حتى مآنآظروا للاسم ولاحتى المسمى الوظيفي ولاشيء بس شآفوا البطآقه معنونه بـ (مكتب سمو ولي العهد الخآص) قسم مآكملوا الـ ربع ساعه الا هم مطلعينهآ لغرفه خآصه !!! أرجع واقـول شُكــراً لكل من حضــر ومن سيحضر وأعتذر عن التعقيـب
__________________
.... .... .... ؛ ..●.. الحَمْدٌّ لله ڪَمَآ يّنّبَغِيِ لِوَجْهِهِ الڪَــرِيِمْ وعَظِيِـمّْ سُلّطـآنِه●● ...
|
|
|
|
|
09-25-2009, 04:14 PM
|
#8 | |
|
ҳҲҳ الإدارة ҳҲҳ
تاريخ التسجيل: Oct 2007
الدولة: أبــــ مـتــ دارــعـب ــو
المشاركات: 5,323
معدل تقييم المستوى: 10 |
رد: مستشفيآتنآ سبب معآنآتنآ
اقتباس:
هــذهـ هــو الحــآل يـخــآفــون و يــعـمـلـون حــسـآب لـ ...... أكــثــر مــن خــوفـهـم مـن الله .. وضــمــآئــرهــم بـ إجــآزهـ لـمــى يــجــي لـهــم أمــر مــلـكــي عــشــآن يــقـومـون بـ وآجــبـهـم المــطــلـوب مـنـهــم .. هــذهـ غــيـض مـن فــيــض وأنـآ أخـتـك شــفـنــآ كــثــيـر ورآح نـشــوف أكــثـر دآم مــآفــيـه رقــآبــه ولآ ضــمــيـم .. ..
__________________
.. .. [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] ..
|
|
|
|
|
|
09-25-2009, 04:41 PM
|
#9 | |
|
{ ~● مـآ’تت لهفتنآ المجنوٍنــہ
تاريخ التسجيل: Jan 2009
الدولة: باريس<ايه هين
العمر: 63
المشاركات: 797
معدل تقييم المستوى: 2 |
رد: مستشفيآتنآ سبب معآنآتنآ
عظم الله اجركم والبقاء لله
قدرها ..والحمد لله على كل حال الله يجمعكم بجنات الخلد يارب .. المستشفيات الحكوميه للآسف الشديد انها اشبه بالمجزره ناس ما تخاف الله +ليش هناك اي احترام لروح لبني ادم المشاركة الأصلية كتبت بواسطة حلو التقاسيم [عزيزي الزائر يتوجب عليك التسجيل للمشاهدة الرابطللتسجيل اضغط هنا] اقتباس:
قسم بالله من جد انا كان واحد من اقرائي عنده سرطان البنكرياس وكان بمستشفى الدكتور عرفان باقدو وكانت الي مهتمه فيه وحده مسحيه دينتها كرسين وربي يا انها تعاملها على انها ابوها وربي انا استحيت على نفسي يوم شفتها تنظف له الله يعز مقداركم وكانو فيه ممرضين سعوين اقولهم الرجال يتألم نبي مهدي يقولون طيب الحين جاين ويقدون نص ساعه واكثر والرجال من شايف شي من الام <مع انه مستشفى خاص ما نقول الا الله يصلح الحال والله يحفظنا
__________________
  . |
|
|
|
|
|
09-29-2009, 03:30 AM
|
#10 |
|
{ ~● مـآ’تت لهفتنآ المجنوٍنــہ
تاريخ التسجيل: Jan 2009
الدولة: باريس<ايه هين
العمر: 63
المشاركات: 797
معدل تقييم المستوى: 2 |
رد: مستشفيآتنآ سبب معآنآتنآ
عندي تعليق بسيط
اولآ الآعمار بيد الله والحمد لله على كل حال جدتي في اواخر رمضان جهاء التهاب بالرئه والدكتور لفالح معطيه ادويه جسمها ما تحملها وراحت فيها وخيلاني منتظرين العزا يخلص وناوين عليه الله يستر ووربي انه اكبر نصابين احسن لين يجيني موتي وانا في فراشي لا اتعب اهلي وفي الآخيراورح (ضحيه خطاء طبي )
__________________
. |
|
|
|
 |
| أدوات الموضوع | |
| انواع عرض الموضوع | |
|
|
 |
العرض العادي
