كلّك حلا كلّي غلا يا حياتي =كلّي وفا كلّك دفا احضنيني
احلى مسا علّ وعسا من غلاتي =حرفي رسا بعد القسا احفظيني
قربك فرح بعدك ترح يا غناتي =حرفي سرا دامه درى تذكريني
اذكريني احفظيني يا حياتي =كلي وفا كلك دفا .. احضنيني

كنت أحبك والمعاني ترتجيك =صرت أحبك والمعاني في هواك
كنت اشوف الكون كله في يديك =صرت اعيش بكون كله في سماك
كنت اداري دمعتي لا جات فيك =صرت أعلّم دمعتي قصة غلاك
كنت احبك صرت احبك واحتريك =احضنيني جيت اترجّى دفآك